Heera Ammu

മൂന്നാം ആഴ്ച ❤️ അധ്യാപക പരിശീലനത്തിന്റെ മൂന്നാം ആഴ്ച അങ്ങനെ കഴിഞ്ഞിരിക്കുന്നു. പൂർണമായും സ്കൂളിനോടും കുട്ടികളോടും നല്ലതുപോലെ അടുക്കാൻ ഈ ഒരു സമയം കൊണ്ട് എനിക്ക് കഴിഞ്ഞു. ഒരുപാട് നല്ല നല്ല അനുഭവങ്ങൾ ഈ ആഴ്ച സ്കൂളിൽ നിന്നും നേടുവാൻ കഴിഞ്ഞു.24/06/2024 മുതൽ 28/06/2024 വരെയായിരുന്നു ഈ ആഴ്ച ക്ലാസ്സ്‌. ഈ ആഴ്ച രണ്ട് ദിവസം ക്ലാസ്സ്‌ ഉണ്ടായിരുന്നില്ല. ചൊവ്വാഴ്ച കെ. എസ്. യു വിന്റെ വിദ്യാഭ്യാസ ബന്ദും വ്യാഴാഴ്ച മഴ കാരണം അവധിയും ആയിരുന്നു. ഈ ആഴ്ച ഞാൻ അടിസ്ഥാനപാഠാവലിയിലെ ആദ്യത്തെ യൂണിറ്റ് ആണ് പഠിപ്പിച്ചത്. കേരളപാഠാവലിയിലെ വഴിയാത്ര എന്ന പാഠം തുടങ്ങുകയും ചെയ്തു. 26/06/2024 ബുധനാഴ്ച ലഹരി വിരുദ്ധ ദിനവുമായി ബന്ധപ്പെട്ട ഒരു ബോധവൽക്കരണ ക്ലാസ്സ്‌ ഉണ്ടായിരുന്നു. ലഹരി ഉപയോഗിക്കുന്നതിന്റെ പ്രശ്നങ്ങളും മറ്റും കുട്ടികൾക്ക് പറഞ്ഞു കൊടുത്തു.ഇതേ ദിവസം തന്നെ കോളേജിൽ നിന്നും ജനറൽ അധ്യാപിക ഹേന ടീച്ചർ സ്കൂളിൽ എത്തിയിരുന്നു. തിങ്കളാഴ്ച 1,7 പീരീഡ്കളും ബുധനാഴ്ച 3, 5 പീരീഡ്കളും വെള്ളിയാഴ്ച 1,3,5 പീരീഡ്കളും ആയിരുന്നു ഈ ആഴ്ച ക്ലാസ്സ്‌ എടുത്തത്. അടിസ്ഥാനപാഠാവലിയിലെ "പുതുവർഷം"എന്ന കവിത ...

രണ്ടാം ആഴ്ച ❤️ അധ്യാപന പരിശീലനത്തിന്റെ രണ്ടാം ആഴ്ച, ഒരുപാട് ഓർമ്മകൾ നൽകിയ ഒരു ആഴ്ച കൂടി കടന്ന് പോയിരിക്കുന്നു.18/06/2024 മുതൽ 22/06/2024 വരെ ആയിരുന്നു ഈ ആഴ്ച ക്ലാസ്സ്‌. തിങ്കളാഴ്ച ബക്രീദ് ആയിരുന്നത് കൊണ്ട് ക്ലാസ്സ്‌ ഉണ്ടായിരുന്നില്ല. ശനിയാഴ്ച ktet പരീക്ഷ ഉണ്ടായിരുന്നത് കൊണ്ട് ഞൻ സ്കൂളിൽ പോയില്ല.ബാക്കി എല്ലാ ദിവസവും സ്കൂളിൽ ഹാജരായി. ഈ ആഴ്ചയും എല്ലാ ദിവസവും ആദ്യത്തെ പീരിയഡ് ആയിരുന്നു ക്ലാസ്സ്‌. ഈ ആഴ്ച കുറച്ചു അധികം പീരീടുകൾ സബ്സ്റ്റിട്യൂഷൻ എന്ന പോലെ ലഭിച്ചു. ബുധനാഴ്ച ഉച്ചയ്ക്ക് ശേഷം ഉള്ള അഞ്ചാംമത്തെ പീരിയഡ് 8 സിയിൽ കിട്ടി. വെള്ളിയാഴ്ച മൂന്ന്, നാല് പീരീഡ്കൾ IT പ്രാക്ടിക്കൽ ആയത് കൊണ്ട് ലഭിച്ചു. ബാക്കി എല്ലാ ദിവസവും ഒന്നാമത്തെ പീരിയഡ് ആയിരുന്നു എനിക്ക് ക്ലാസ്സ്‌. ഈ ആഴ്ച രണ്ടാമത്തെ പാഠം ആയ അമ്മമ്മ പഠിപ്പിച്ചു തീർത്ത് നോട്സും കൊടുക്കാൻ കഴിഞ്ഞു. വ്യാകരണ ഭാഗം ആയ സന്ധിയും പഠിപ്പിക്കാൻ സാധിച്ചു. വ്യാഴാഴ്ച മൂന്ന്, നാല് പീരീഡ്കളിൽ യു. പി വിഭാഗത്തിൽ കയറി. ഈ ആഴ്ച നടന്ന പ്രവർത്തനങ്ങളിൽ പ്രധാനപ്പെട്ടത് ആണ് വായനദിനത്തിന്റെ ആഘോഷം.19-ആം തീയതി രാവിലെ 11 മണ...

ജൂൺ 19 വായനദിനം വായിച്ചു വളരൂ ചിന്തിച്ചു വിവേകം നേടൂ " വായിച്ചാലും വളരും വായിച്ചില്ലേലും വളരും വായിച്ചാൽ വിളയും വായിച്ചില്ലേൽ വളയും" ഗ്രന്ഥശാലപ്രസ്ഥാനത്തിന്റെ സ്ഥാപകൻ ആയ പി.എൻ പണിക്കരുടെ ഓർമ ദിനമായ ജൂൺ 19 ലോക വായനദിനമായി ആചാരിക്കുന്നു. അതിന്റെ ഭാഗമായി ജി. വി. എച്ച്. എസ്. എസ് ചുനക്കര സ്കൂളിലും വായന ദിനാഘോഷവും കലാപരിപാടികളും നടത്തുകയുണ്ടായി. ഇന്ന് രാവിലെ 11 മണി മുതൽ ഉച്ചക്ക് 12.30 വരെ പരിപാടികൾ നീണ്ടുനിന്നു. വായന ദിനവുമായി ബന്ധപ്പെട്ട ആഘോഷവും പരിപാടികളും ഉത്ഘാടനം ചെയ്യാൻ എത്തിയത് വർഗീസ് കുറത്തികാട് അവർകൾ ആയിരുന്നു. പരിപാടിക്ക് അധ്യക്ഷ സ്ഥാനം വഹിച്ചത് സ്കൂളിലെ അധ്യാപിക രേഖ ടീച്ചർ ആയിരുന്നു. ഉദ്ഘാടനത്തിന് ശേഷം കുട്ടികൾ അവതരിപ്പിച്ച വിവിധ കലാപരിപാടികൾ ഉണ്ടായിരുന്നു. മലയാളം, ഇംഗ്ലീഷ്, ഹിന്ദി കവിതാലാപനവും പ്രസംഗവും കവിതയുടെ നൃത്താവിഷ്കാരവും പുസ്തകപരിചയവും ഒക്കെ തുടർന്ന് നടത്തുകയുണ്ടായി.വളരെ മനോഹരമായി തന്നെ പരിപാടികൾ എല്ലാം അവസാനിച്ചു.

ഒന്നാം ആഴ്ച ❤️ _____________________ അധ്യാപന പരിശീലനത്തിന്റെ ഒന്നാമത്തെ ആഴ്ച ധാരാളം അനുഭവങ്ങൾ സമ്മാനിച്ച ആഴ്ച ആയിരുന്നു.10/06/2024 മുതൽ 15/06/2024 വരെ ആയിരുന്നു ഈ ആഴ്ച. ഈ ആഴ്ചയിൽ ശനിയാഴ്ചയും ക്ലാസ്സ്‌ ഉണ്ടായിരുന്നു. വളരെയേറെ പ്രതീക്ഷയോടെ ആണ് സ്കൂളിലേക്ക് ചെന്നത്. പുതിയ സ്കൂൾ, പുതിയ കുട്ടികൾ, പുതിയ അനുഭവങ്ങൾ. എനിക്ക് പഠിപ്പിക്കുവാൻ ലഭിച്ചത് 8 സി ക്ലാസ്സ്‌ ആണ്. ഇംഗ്ലീഷ് മീഡിയം ക്ലാസ്സ്‌ ആണ് അത്. എല്ലാ ദിവസവും എനിക്ക് ഫസ്റ്റ് പീരിയഡ് ആണ് ക്ലാസ്സ്‌. വ്യാഴാഴ്ച അഞ്ചാംമത്തെ പീരീഡും ആയിരുന്നു. എല്ലാ ദിവസവും എനിക്ക് ക്ലാസ്സ്‌ ലഭിച്ചു. സബ്സ്റ്റിട്യൂഷൻ പീരീഡ്കൾ കുറവായിരുന്നു. എന്നാലും യു. പി ഉൾപ്പെടെ ഏകദേശം എല്ലാ ക്ലാസ്സിലും കയറുവാൻ കഴിഞ്ഞു. ഈ ആഴ്ചയിൽ വ്യാഴാഴ്ച രണ്ടാമത്തെ പീരിയഡ് കുട്ടികൾക്ക് വേണ്ടി ഒരു ബോധവൽക്കരണ ക്ലാസ്സ്‌ ഉണ്ടായിരുന്നു. പേവിഷബാധയെ കുറിച്ചുള്ള ക്ലാസ്സ്‌ ആയിരുന്നു. പേവിഷബാധ ഏറ്റാൽ എന്തൊക്കെ ചെയ്യണമെന്നും മറ്റും കുട്ടികളെ ബോധവാനാക്കാൻ വേണ്ടിയുള്ള ക്ലാസ്സ്‌ ആയിരുന്നു അത്. വെള്ളിയാഴ്ച പരിസ്ഥിതി ക്ലബ്ബിന്റെ ഭാഗമായി പ്...

പ്രകൃതിയിലേക്ക് ഒരു നടത്തം🌿🌴🌳 അധ്യാപന പരിശീലനത്തിന്റെ അഞ്ചാം ദിനമായ ഇന്ന് ഉച്ചയ്ക്ക് 1.45 ന് പരിസ്ഥിതി ക്ലബ്ബിന്റെ ഭാഗമായി പ്രകൃതിയിലേക്ക് ഒരു നടത്തം എന്ന പരിപാടി സംഘടിപ്പിച്ചു. ഇതിന്റെ ഭാഗമായി പരിസ്ഥിതി ക്ലബ്ബിൽ ഉള്ള കുട്ടികളും അധ്യാപകരും ഞങ്ങളും കൂടി കുട്ടികളെയും ഉണ്ട് സ്കൂളിന് അടുത്തുള്ള മലത്തുള്ളിക്കാവ് എന്ന കാവിലേക്ക് പോയി. പ്രകൃതിയെ അടുത്തറിഞ്ഞുള്ള ഒരു യാത്ര ആയിരുന്നു അത്.

അധ്യാപന പരിശീലനത്തിന്റെ നാലാം ദിവസമായ ഇന്ന് 11 മണി മുതൽ സ്കൂളിൽ ഒരു ബോധവൽക്കരണ ക്ലാസ്സ്‌ ഉണ്ടായിരുന്നു. പേവിശബാധയെ കുറിച്ചുള്ളതായിരുന്നു ക്ലാസ്സ്‌. പേവിശബാധ ഏറ്റാൽ എന്ത് ചെയ്യണമെന്നും മറ്റും കുട്ടികളിലേക് അവബോധം എത്തിക്കാൻ വേണ്ടിട് ഉള്ള ക്ലാസ്സ്‌ ആയിരുന്നു അത്.

ജി.വി.എച്ച്.എസ്.എസ് ചുനക്കര അധ്യാപനപരിശീലനം രണ്ടാം ഘട്ടം ഒന്നാം ദിവസം ബി. എഡ് 2022-24 ബാച്ചിലെ നാലാം സെമെസ്റ്റർ അധ്യാപന പരിശീലനത്തിന്റെ ഭാഗമായി ഞങ്ങൾക്ക് ലഭിച്ചത് ജി. വി.എച്ച്. എസ്. എസ് ചുനക്കര സ്കൂൾ ആണ്. ഹീര.കെ, ഐശ്വര്യ ഗോപൻ ( മലയാളം ) ആമിന സലിം, അഖിലേഷ്. ടി ( സോഷ്യൽ സയൻസ് ), അഞ്ജലി ( മാത്തമാറ്റിക്സ് ), ഐശ്വര്യ. എസ് (നാച്ചുറൽ സയൻസ് ) എന്നിവർ ആണ് ഉണ്ടായിരുന്നത്. ഞങ്ങൾ എല്ലാവരും കൃത്യം 9.30 ന് തന്നെ സ്കൂളിൽ എത്തി ചേർന്നു. എനിക്ക് ആദ്യത്തെ പീരിയഡ് 8 സി യിൽ ക്ലാസ്സ്‌ ഉണ്ടായിരുന്നു.കുട്ടികളെ പരിചയപെടുകയും ഒപ്പം ആദ്യത്തെ യൂണിറ്റിന്റെ പ്രവേശകം പഠിപ്പിക്കുകയും ചെയ്തു. രണ്ടാമത്തെ പീരിയഡ് ഫ്രീ ആയിരുന്നു. മൂന്നാമത്തെ പീരിയഡ് 9 സിയിൽ ടീച്ചർ ഇല്ലാത്തിരുന്നത് കൊണ്ട് അവിടേക്ക് പോയി. കുട്ടികളെ പരിചയപെട്ടു. നാലാമത്തെ പീരിയഡ് 9 എയിൽ കയറി. ഉച്ചയ്ക്ക് ശേഷം ക്ലാസ്സ്‌ ഇല്ലായിരുന്നു.3.45 ഓടെ സ്കൂളിൽ നിന്നും വീട്ടിലേക് പോകാനായി ഇറങ്ങി.