𝗪𝗘𝗘𝗞𝗟𝗬 𝗥𝗘𝗣𝗢𝗥𝗧- 3 ❤️

മൂന്നാം ആഴ്ച ❤️ അധ്യാപക പരിശീലനത്തിന്റെ മൂന്നാം ആഴ്ച അങ്ങനെ കഴിഞ്ഞിരിക്കുന്നു. പൂർണമായും സ്കൂളിനോടും കുട്ടികളോടും നല്ലതുപോലെ അടുക്കാൻ ഈ ഒരു സമയം കൊണ്ട് എനിക്ക് കഴിഞ്ഞു. ഒരുപാട് നല്ല നല്ല അനുഭവങ്ങൾ ഈ ആഴ്ച സ്കൂളിൽ നിന്നും നേടുവാൻ കഴിഞ്ഞു.24/06/2024 മുതൽ 28/06/2024 വരെയായിരുന്നു ഈ ആഴ്ച ക്ലാസ്സ്‌. ഈ ആഴ്ച രണ്ട് ദിവസം ക്ലാസ്സ്‌ ഉണ്ടായിരുന്നില്ല. ചൊവ്വാഴ്ച കെ. എസ്. യു വിന്റെ വിദ്യാഭ്യാസ ബന്ദും വ്യാഴാഴ്ച മഴ കാരണം അവധിയും ആയിരുന്നു. ഈ ആഴ്ച ഞാൻ അടിസ്ഥാനപാഠാവലിയിലെ ആദ്യത്തെ യൂണിറ്റ് ആണ് പഠിപ്പിച്ചത്. കേരളപാഠാവലിയിലെ വഴിയാത്ര എന്ന പാഠം തുടങ്ങുകയും ചെയ്തു. 26/06/2024 ബുധനാഴ്ച ലഹരി വിരുദ്ധ ദിനവുമായി ബന്ധപ്പെട്ട ഒരു ബോധവൽക്കരണ ക്ലാസ്സ്‌ ഉണ്ടായിരുന്നു. ലഹരി ഉപയോഗിക്കുന്നതിന്റെ പ്രശ്നങ്ങളും മറ്റും കുട്ടികൾക്ക് പറഞ്ഞു കൊടുത്തു.ഇതേ ദിവസം തന്നെ കോളേജിൽ നിന്നും ജനറൽ അധ്യാപിക ഹേന ടീച്ചർ സ്കൂളിൽ എത്തിയിരുന്നു. തിങ്കളാഴ്ച 1,7 പീരീഡ്കളും ബുധനാഴ്ച 3, 5 പീരീഡ്കളും വെള്ളിയാഴ്ച 1,3,5 പീരീഡ്കളും ആയിരുന്നു ഈ ആഴ്ച ക്ലാസ്സ്‌ എടുത്തത്. അടിസ്ഥാനപാഠാവലിയിലെ "പുതുവർഷം"എന്ന കവിത പഠിപ്പിച്ചുതീർക്കുകയും കേരളപാഠാവലിയിലെ "വഴിയാത്ര"എന്ന പാഠഭാഗം പഠിപ്പിച്ചു തുടങ്ങുകയും ചെയ്തു.