𝗪𝗘𝗘𝗞𝗟𝗬 𝗥𝗘𝗣𝗢𝗥𝗧 - 7 ❤️

                 ഏഴാം ആഴ്ച ❤️ 

 അധ്യാപന പരിശീലനത്തിന്റെ ഏഴാം ആഴ്ച. ഏകദേശം ഒരു മാസത്തോളം കടന്ന് പോയിരിക്കുന്നു. പഠിപ്പിച്ചു തീർക്കുവാൻ ഉള്ള എല്ലാ പാഠങ്ങളും പഠിപ്പിച്ചു തീർത്ത് കഴിഞ്ഞു. ഒരു അധ്യാപിക എന്ന നിലയിൽ വളരെ അധികം സന്തോഷം ലഭിക്കുന്ന കുറച്ചു നിമിഷങ്ങൾ. 22/07/2024 മുതൽ 27/7/2024 വരെ ആയിരുന്നു ഈ ആഴ്ച ക്ലാസ്സ്‌. ഈ ആഴ്ച ശനിയാഴ്ചയും ക്ലാസ്സ്‌ ഉണ്ടായിരുന്നു. കുറച്ചു അധികം പരിപാടികൾ സ്കൂളിൽ സംഘടിപ്പിച്ച ഒരു ആഴ്ച ആയിരുന്നു ഇത്. തിങ്കളാഴ്ച തന്നെ ചാന്ദ്രയാൻ ദിനവുമായി ബന്ധപ്പെട്ട പരിപാടികൾ ഉണ്ടായിരുന്നു. കുട്ടികളുടെ സ്കിറ്റും മറ്റും ഉണ്ടായിരുന്നു. രാവിലെ 10 മണി മുതൽ ഉച്ചയ്ക്ക് 1 മണി വരെ ആയിരുന്നു പരിപാടി. ചാന്ദ്രയാൻ ദിനവുമായി ബന്ധപെട്ടുള്ള ക്ലാസും ഉണ്ടായിരുന്നു. ചൊവ്വാഴ്ച ഉച്ചയ്ക്ക് ശേഷം അഞ്ചാംമത്തെ പീരിയഡ് ചാന്ദ്രയാൻ ദിനവുമായി ബന്ധപ്പെട്ട ക്വിസ് മത്സരം ഉണ്ടായിരുന്നു.25/7/2024 വ്യാഴാഴ്ച ചന്ദ്രദിനവുമായി ബന്ധപെട്ടു കുട്ടികൾക്കു മുന്നിൽ ഒരു ചാന്ദ്ര മനുഷ്യനെ പ്രദർശിപ്പിച്ചു. അത് കുട്ടികൾ ചോദിക്കുന്ന കാര്യങ്ങൾക്ക് നല്ലപോലെ മറുപടി നൽകി.27/7/2024 ഇൽ കുട്ടികൾക്ക് സൗജന്യമായി നേത്രപരിശോധന നടത്തി.ഹൈസ്കൂൾ വിഭാഗത്തിലെയും യു. പി വിഭാഗത്തിലെയും കുട്ടികൾക്ക് കാഴ്ച പരിശോധിച്ചു.ഇതേ ദിവസം തന്നെ ഉച്ചയ്ക്ക് ശേഷം കുട്ടികൾക്ക് വേണ്ടി ഒരാൾ പുറത്ത് നിന്ന് വന്നു സിനിമാ ഗാനങ്ങൾ പാടുകയുണ്ടായി. വളരെ മനോഹരമായ പരിപാടി ആയിരിന്നു അത്. ചൊവ്വാഴ്ച നാലാമത്തെ പീരിയഡ് ഞാൻ 9 ബി യിൽ പോയി എന്റെ പ്രോജെക്ടിനു ആവശ്യമായ ദത്തശേഖരണം നടത്തി. 40 കുട്ടികളെ ആണ് ഞാൻ സാമ്പിൾ ആയി എടുത്തത്. കുട്ടികൾ എല്ലാം കൃത്യമായി വിവരങ്ങൾ നൽകി.

ഈ ആഴ്ച തന്നെ വെള്ളിയാഴ്ച ആണ് ഞാൻ സിദ്ധി ശോധകം (അച്ചിവ്മെന്റ് ടെസ്റ്റ്‌ )നടത്തിയത്.6 പാഠങ്ങളിൽ നിന്നും 25 മാർക്കിന് ആണ് നടത്തിയത്. ആകെ 20 ചോദ്യങ്ങൾ ആണ് ഉണ്ടായിരുന്നത്.മൂന്നാമത്തെ പീരിയഡ് ആണ് ഞാൻ പരീക്ഷ നടത്തിയത്.

പാഠഭാഗങ്ങൾ പഠിപ്പിച്ചു തീർന്നതുകൊണ്ട് തന്നെ ഈ ആഴ്ച കിട്ടിയ പീരീടുകൾ എല്ലാം പഠിപ്പിച്ച പാഠഭാഗങ്ങളിലെ സംശയങ്ങൾ മാറ്റുവാൻ വേണ്ടി ഉപയോഗിച്ചു.