𝗪𝗘𝗘𝗞𝗟𝗬 𝗥𝗘𝗣𝗢𝗥𝗧 - 6 ❤️

ആറാം ആഴ്ച ❤️ അധ്യാപന പരിശീലനത്തിന്റെ ആറാം ആഴ്ച കഴിഞ്ഞിരിക്കുന്നു. പൂർണമായും സ്കൂളിന്റെ ഭാഗമായി തീരുവാൻ ഈ സമയത്തിനുള്ളിൽ കഴിഞ്ഞു. കുട്ടികളോടൊക്കെ നല്ലപോലെ അടുക്കുവാനും അവരുടെ മാനസിൽ ഒരു ഇടം നേടുവാനും എനിക്ക് സാധിച്ചു. 15/07/2024 മുതൽ 19/07/2024 വരെ യാണ് ഈ ആഴ്ചത്തെ ദിനങ്ങൾ. പക്ഷെ ഇതിൽ രണ്ട് ദിവസം പ്രവർത്തി ദിനം ആയിരുന്നില്ല. ചൊവ്വാഴ്ച മുഹറത്തിന്റെ അവധിയും പിറ്റേന്ന് ബുധനാഴ്ച മഴ അവധിയും ഉണ്ടായിരുന്നു. അത്കൊണ്ട് തന്നെ 3 ദിവസം മാത്രമേ ക്ലാസ്സ്‌ ഉണ്ടായിരുന്നുള്ളു. ഈ ആഴ്ചയോടെ ഞാൻ എനിക്ക് പഠിപ്പിക്കുവാൻ ഉള്ള എല്ലാ പാഠഭാഗവും പഠിപ്പിച്ചു തീർത്തു.30 ലെസ്സൺ പ്ലാനും ഞാൻ എടുത്തു കഴിഞ്ഞു. പിന്നെ ബാക്കി ദിവസങ്ങളിൽ ഒക്കെ നോട്ട് കൊടുക്കുകയാണ് ഉണ്ടായത്. തിങ്കളാഴ്ച എനിക്ക് 1,7 പീരീടുകളും വ്യാഴം അഞ്ചാംമത്തെ പീരീഡും ആയിരുന്നു ലഭിച്ചത്. അതോടുകൂടി എന്റെ പാഠഭാഗങ്ങൾ പഠിപ്പിച്ചു തീർത്ത്. വെള്ളിയാഴ്ച ഞാൻ പഠിപ്പിച്ച പാഠഭാഗത്തിന്റെ നോട്ടുകൾ കൊടുത്തു. ഈ ആഴ്ച പ്രത്യേകിച്ച് പരിപാടികൾ ഒന്നും തന്നെ ഉണ്ടായിരുന്നില്ല. എന്നാൽ അടുത്ത ആഴ്ചയിൽ നടത്തുന്ന ചന്ദ്രയാൻ ദിനത്തോടനുബന്ധിച്ചുള്ള തയ്യാറെടുപ്പുകൾ കുട്ടികൾ നടത്തുന്നുണ്ടായിരുന്നു. ഈ ആഴ്ച സബ്സ്റ്റിട്ടുറ്റിഷൻ പീരീഡ്കൾ കയറുകയും കുട്ടികളെ പി. ടി യ്ക്ക് കൊണ്ട് പോകുകയും ഒക്കെ ചെയ്തു.