𝗪𝗘𝗘𝗞𝗟𝗬 𝗥𝗘𝗣𝗢𝗥𝗧 - 5 ❤️

അഞ്ചാം ആഴ്ച ❤️ സ്കൂളിൽ എത്തി ചേർന്നിട്ട് ഏകദേശം ഒരു മാസത്തോളം ആയിരിക്കുന്നു. അധ്യാപിക എന്ന സ്ഥാനം എത്രത്തോളം മഹത്തരമാണ് എന്ന് മനസിലാക്കി തരുന്നതാണ് ഓരോ അധ്യാപന പരിശീലനവും. അതിലെ ഓരോ ദിവസങ്ങളും ഓരോ മണിക്കൂറുകളും ഓരോ മിനുട്ടുകളും വിലപ്പെട്ടതാണ്. കുട്ടികളുടെ മനസ്സിൽ ഒരു നല്ല അധ്യാപിക ആകാൻ എന്തൊക്കെ ചെയ്യണം എന്ന് മനസിലാക്കാൻ സഹായിക്കുന്ന കുറച്ചു ദിവസങ്ങൾ. 08/07/2024 മുതൽ 12/07/2024 വരെയുള്ള അഞ്ച് ദിവസങ്ങൾ ആണ് ഈ ആഴ്ച ക്ലാസ്സ്‌ ഉണ്ടായിരുന്നത്. ഈ ആഴ്ച എല്ലാ ദിവസങ്ങളിലും ക്ലാസ്സ്‌ ഉണ്ടായിരുന്നു. ഒരു ദിവസം തന്നെ ഒന്നിൽ കൂടുതൽ പീരീടുകൾ ലഭിച്ച ഒരു ആഴ്ച ആണ് ഇത്. ഈ ആഴ്ച ഞാൻ "പൂക്കളും ആണ്ടറുതികളും" എന്ന പാഠഭാഗം പഠിപ്പിച്ചു തീർക്കുകയും "വഴിയാത്ര" എന്ന പാഠഭാഗം തുടങ്ങുകയും ചെയ്തു. ഈ ആഴ്ച വ്യാഴാഴ്ച അസംബ്ലി ഉണ്ടായിരുന്നു.10 സി യിലെ കുട്ടികൾ ആണ് അസംബ്ലി നടത്തിയത്. ഈശ്വര പ്രാർത്ഥന, പ്രതിജ്ഞ, പത്രവാർത്ത എന്നിവ ഉണ്ടായിരുന്നു. വ്യാഴാഴ്ച തന്നെ ഉച്ചയ്ക്ക് കുട്ടികളുടെ ഫ്ലാഷ് മൊബ് ഉണ്ടായിരുന്നു. ലഹരി വിരുദ്ധ ദിനവുമായി ബന്ധപ്പെട്ടത് ആയിരുന്നു അത്. വ്യാഴാഴ്ച കോളേജിൽ നിന്നും ക്ലാസ്സ്‌ കാണുന്നതിനായി സോഷ്യൽ സയൻസ് വിഭാഗം അധ്യാപിക ലേഖനം ടീച്ചർ എത്തിയിരുന്നു. തിങ്കൾ എനിക്ക് ആദ്യത്തെ പീരീഡും ചൊവ്വ 1,4 എന്നീ പീരീഡ്കളും ബുധൻ 1,3 പീരീഡ്കളും വ്യാഴം 2,5 പീരീടുകളും വെള്ളി 1,4 പീരീഡ്കളും ക്ലാസ്സ്‌ ഉണ്ടായിരുന്നു. തിങ്കളാഴ്ച മൂന്നാമത്തെ പീരിയഡ് 8 ബി യിൽ ഡയഗ്നോസ്റ്റിക് ടെസ്റ്റ്‌ നടത്താൻ അഞ്ജലി ടീച്ചറിനൊപ്പം പോയി. ചൊവ്വാഴ്ച രണ്ടാമത്തെ പീരിയഡ് ഐശ്വര്യ ടീച്ചറിന്റെ കൂടെ 8 സിയിൽ ടെസ്റ്റ്‌ പേപ്പർ നടത്താൻ ചെന്ന്. ശേഷം നാലാമത്തെ പീരിയഡ് 9 ബിയിൽ സബ്സ്ടിട്യൂഷന് കയറി. ബുധനാഴ്ച ആറാമത്തെ പീരിയഡ് യു. പി വിഭാഗം കുട്ടികളെയും കൊണ്ട് പി. ടി യ്ക്കായി ഗ്രൗണ്ടിലേക്ക് പോയി. വെള്ളിയാഴ്ച ആറാമത്തെ പീരിയഡ് 10 ബി യിലെ കുട്ടികളെ പി. ടി യ്ക്ക് കൊണ്ടുപോയി. വ്യാഴാഴ്ച ഞാൻ 8 സി യിൽ പഠിപ്പിച്ചത് തദ്ധിതം എന്ന വ്യാകരണ ഭാഗം ആണ്. ആശയസമ്പാദന മാതൃക അനുസരിച്ചാണ് അത് പഠിപ്പിച്ചത്. പൂക്കളും ആണ്ടറുതികളും എന്ന പാഠഭാഗത്തെ അടിസ്ഥാനമാക്കി ഞാൻ ഉണ്ടാക്കിയ ഒരു ഇന്നൊവേറ്റിവ് വർക്ക്‌ ഉപയോഗിച്ച് കൊണ്ടാണ് ഞാൻ ആ പാഠഭാഗം ആരംഭിച്ചത്. എട്ടാം തീയതി തിങ്കളാഴ്ച ആണ് ഞാൻ ഇന്നോവറ്റീവ് വർക്ക് ഉപയോഗിച്ച പഠിപ്പിച്ചത്. ഒരുപാട് ഓർമ്മകൾ സമ്മാനിച്ച ഒരു ആഴ്ച ആയിരുന്നു ഇത്.