𝗪𝗘𝗘𝗞𝗟𝗬 𝗥𝗘𝗣𝗢𝗥𝗧 - 4❤️

              നാലാം ആഴ്ച ❤️ 

എത്ര പെട്ടന്ന് ആണ് നാല് ആഴ്ചകൾ പിന്നിട്ടിരിക്കുന്നത്. അധ്യാപനം അത്രമേൽ മനോഹരമാണെന്ന് മനസിലാക്കി തരുന്ന നാല് ആഴ്ചകൾ കഴിഞ്ഞിരിക്കുന്നു. ഒരുപാട് നല്ല അനുഭവങ്ങൾ ഈ ആഴ്ച സ്കൂളിൽ നിന്നും ലഭിച്ചു. 01/07/2024 മുതൽ 05/07/2024 വരെ ആയിരുന്നു ഈ നാലാം ആഴ്ച. ഇതിൽ വ്യാഴാഴ്ച വിദ്യാഭ്യാസ ബന്ദ് ആയത്കൊണ്ട് ക്ലാസ്സ്‌ ഉണ്ടായിരുന്നില്ല.02/07/2024 ചൊവ്വാഴ്ച കോളേജിൽ നിന്നും ക്ലാസ്സ്‌ ഒബ്സെർവഷന് വേണ്ടി ജനറൽ അധ്യാപിക ഹേന ടീച്ചർ എത്തിയിരുന്നു. 05/07/2024 വെള്ളിയാഴ്ച ആണ് ഞാൻ നിദാനശോധകം (ഡയഗ്നോസ്റ്റിക് ടെസ്റ്റ്‌ ) നടത്തിയത്. കേരളപാഠവലിയിൽ നിന്നും അടിസ്ഥാനപാഠാവലിയിൽ ഞാൻ പഠിപ്പിച്ച 4 പാഠങ്ങൾ ഉൾപ്പെടുത്തിയുള്ളതായിരുന്നു പരീക്ഷ. ആകെ 25 ചോദ്യങ്ങൾ ആയിരുന്നു ഉണ്ടായിരുന്നത്. ആദ്യത്തെ പീരിയഡ് ആണ് ഞാൻ ടെസ്റ്റ്‌ നടത്തിയത്. ആകെ 34 കുട്ടികൾ പരീക്ഷ എഴുതി. ഇതേ ദിവസം തന്നെ രാവിലെ 11 മണി മുതൽ ബഷീർ ഓർമ ദിനവുമായി ബന്ധപ്പെട്ട പരിപാടികൾ ഉണ്ടായിരുന്നു. കുട്ടികളുടെ വിവിധ കലാപരിപാടികൾ ഉണ്ടായിരുന്നു. പാട്ടും ദൃശ്യആവിഷ്കാരവും സ്കിറ്റും ഒക്കെ ഉണ്ടായിരുന്നു. കുട്ടികൾ വളരെ മനോഹരമായി പരിപാടികൾ അവതരിപ്പിച്ചു.ഉച്ചയ്ക്ക് ശേഷം ഒൻപതാം ക്ലാസ്സിലെ കുട്ടികൾക്കു വേണ്ടി സംഘടിപ്പിച്ച പ്രഭാഷണം ഉണ്ടായിരുന്നു. ഈ ആഴ്ച ബുധനാഴ്ച അസംബ്ലി ഉണ്ടായിരുന്നു. 10 സി ക്ലാസ്സ്‌ ആണ് അസംബ്ലി സംഘടിപ്പിച്ചത്. പ്രാർത്ഥന, പ്രതിജ്ഞ, പത്രവാർത്ത എന്നിവ ഉൾപ്പെടുത്തികൊണ്ടുള്ള അസംബ്ലി ആയിരുന്നു. ഈ ആഴ്ച ഞാൻ വഴിയാത്ര എന്ന പാഠഭാഗം പഠിപ്പിച്ചു തീർക്കുകയും കേരളപാഠാവലിയിലെ അടുത്ത യൂണിറ്റിന്റെ പ്രാരംഭം പഠിപ്പിക്കുകയും ചെയ്തു. തിങ്കൾ 1,5 പീരീഡ്കളിലും ചൊവ്വ ആദ്യത്തെ പീരീഡും ആണ് ഈ ആഴ്ച ക്ലാസ്സ്‌ ലഭിച്ചത്.ബുധൻ നാലാമത്തെ പീരിയഡ് യു. പി വിഭാഗത്തിലെ കുട്ടികളെയും കൊണ്ട് പി.ടി യ്യ്ക്ക് പോയി. അഞ്ചാംമത്തെ പീരിയഡ് 8 സി യിൽ നോട്ട് പറഞ്ഞു കൊടുത്തു.വളരെ മനോഹരമായ ഒരു ആഴ്ച ആയി ഇത് മാറി.