𝗪𝗘𝗘𝗞𝗟𝗬 𝗥𝗘𝗣𝗢𝗥𝗧- 7🫰

അധ്യാപന പരിശീലനത്തിന്റെ ഏഴാമത്തെ ആഴ്ച ആയപ്പോഴേക്കും എനിക്ക് പൂർണമായും ആ സ്കൂളിന്റെ ഒരു ഭാഗം ആകുവാൻ കഴിഞ്ഞു.ഇനി ഒരു ആഴ്ച മാത്രമാണ് ബാക്കിയുള്ളത് എന്ന് ഓർത്തപ്പോൾ സങ്കടം തോന്നി. ഈ ആഴ്ച തുടങ്ങിയത് തന്നെ വളരെ മനോഹരമായ ഒരു അസ്സബ്ലിയിലൂടെ ആണ്. ജില്ലാകലോത്സവത്തിൽ വിജയികളായ കുട്ടികളെയും അതിനു വേണ്ടി അവരെ പരിശീലിപ്പിച്ച അധ്യാപകരെയും അനുമോദിക്കുന്ന അസ്സബ്ലി ആയിരുന്നു അത്. അറബിക് വിഭാഗം മത്സരങ്ങൾക് ഓവറോൾ വിജയികൾ ആയത് ഞങ്ങളുടെ സ്കൂൾ ആയിരുന്നു. പി ടി എ അംഗങ്ങളും അധ്യാപകരും കുട്ടികളെ അനുമോദിച്ചു.

തിങ്കളാഴ്ച വൈകിട്ട് പെൺകുട്ടികൾക്ക് വേണ്ടി കരാട്ടെ പരിശീലനം ഉണ്ടായിരുന്നു.

തിങ്കളാഴ്ച എനിക്ക് 6,7 പീരീഡ്കളിൽ ക്ലാസ്സ്‌ ഉണ്ടായിരുന്നു. ഈ ആഴ്ച ചൊവ്വാഴ്ച ക്ലാസ്സ്‌ ഉണ്ടായിരുന്നില്ല. അന്ന് അധ്യാപകർക്ക് ക്ലസ്റ്റർമീറ്റിംഗ് ആയിരുന്നു. ബുധനാഴ്ച ദേശിയ ഉച്ചഭക്ഷണ ദിനം ആയിരുന്നത് കൊണ്ട് തന്നെ അന്ന് അതുമായി ബന്ധപ്പെട്ട് അസ്സബ്ലി ഉണ്ടായിരുന്നു. ഈശ്വര പ്രാർത്ഥനയും പ്രതിജ്ഞയും ഉണ്ടായിരുന്നു. അതിനു ശേഷം ആഹാരത്തിന്റെ മഹത്വത്തെ കുറിച്ചുള്ള കവിതകളും പ്രസംഗവും ഉണ്ടായിരുന്നു. അന്ന് കുട്ടികൾക്കു സ്കൂളിൽ നിന്നും പായസം നൽകി.

ബുധനാഴ്ച എനിക്ക് അഞ്ചാംമത്തെ പീരിയഡ് 8 ഡിയിൽ ക്ലാസ്സ്‌ ഉണ്ടായിരുന്നു. ശേഷം സ്കൂളിൽ പി ടി എ മീറ്റിംഗ് ആയിരുന്നു. വ്യാഴാഴ്ച 3,7 പീരീഡ്കളിലും വെള്ളിയാഴ്ച ഒന്ന്, മൂന്ന്, അഞ്ച്, ഏഴ് പീരീഡ്കളിലും എനിക്ക് ക്ലാസ്സ്‌ ഉണ്ടായിരുന്നു. വെള്ളിയാഴ്ച രണ്ടാമത്തെ പീരിയഡ് ഞാൻ ഡയഗ്നോസ്റ്റിക് ടെസ്റ്റ്‌ നടത്തി.29 കുട്ടികളാണ് പരീക്ഷ എഴുതിയത്. അങ്ങനെ ഒരുപാട് അനുഭവങ്ങൾ നിറഞ്ഞ ഒരു ആഴ്ച കൂടി കടന്ന് പോയി 🫰.