𝗧𝗘𝗔𝗖𝗛𝗜𝗡𝗚 𝗣𝗥𝗔𝗖𝗧𝗜𝗖𝗘 - 8/12/2023

                     𝘛𝘏𝘌 𝘓𝘈𝘚𝘛 𝘋𝘈𝘠  

 അധ്യാപക വിദ്യാർത്ഥി എന്ന നിലയിൽ എന്റെ ജീവിതത്തിലെ സുന്ദരമായ കുറച്ചു ദിവസങ്ങളാണ് എന്റെ മുന്നിൽ കൂടി കടന്നു പോയത്. അധ്യാപന പരിശീലനത്തിന്റെ ഒന്നാം ഘട്ടം ഇന്ന് അവസാനിക്കുകയാണ്. ഒരു അധ്യാപിക എന്താണെന്നും എങ്ങനെയാണെന്നും മനസിലാക്കി തന്ന കുറച്ചു മനോഹരമായ ദിവസങ്ങൾ. അത് ഇന്ന് അവസാനിക്കുകയാണ്. ഇന്ന് രാവിലെ 9 മണിക്ക് സ്കൂളിൽ എത്തിച്ചേർന്നു. അധ്യാപക രജിസ്റ്ററിൽ ഒപ്പിട്ടു. ഇന്ന് ഒന്നാമത്തെ പീരിയഡ് 8 ഡിയിൽ ക്ലാസ്സ്‌ ഉണ്ടായിരുന്നു. ആ പീരിയഡ് ഞാൻ അച്ചീവ്മെന്റ് ടെസ്റ്റ്‌ നടത്തി.25 മാർക്കിനാണ് പരീക്ഷ നടത്തിയത്.31 കുട്ടികൾ പരീക്ഷ എഴുതി. ശേഷം രണ്ട്, നാല്, അഞ്ച് എന്നീ പീരീഡ്കളിൽ 8 ഡിയിൽ ക്ലാസ്സ്‌ ഉണ്ടായിരുന്നു. മൂന്നാമത്തെ പീരിയഡ് 6 സിയിലെ കുട്ടികളോടൊപ്പം പി ടി യ്ക്ക് പോയി. ആറാമത്തെ പീരിയഡ് സ്കൂൾ ബേസ്ഡ് ആക്ടിവിറ്റിയുടെ ഭാഗമായി 9 സിയിലെ കുട്ടികൾക്കു മയക്കുമരുന്നുകളുടെ ദൂഷ്യവശങ്ങളെ കുറിച്ചുള്ള ഒരു ക്ലാസ്സ്‌ എടുത്തു. ശേഷം ഏഴാമത്തെ പീരിയഡ് 8 ഡിയിൽ ചെന്ന് കുട്ടികളോട് യാത്ര പറയുകയും അവർക്ക് മിഠായി നൽകുകയും അവരിൽ നിന്ന് അഭിപ്രായങ്ങൾ എഴുതി വാങ്ങുകയും ചെയ്തു.3.45 ന് ബെൽ അടിച്ചു ദേശിയ ഗാനത്തിനു ശേഷം ഞങ്ങൾക്ക് വേണ്ടി സ്കൂളിലെ അധ്യാപകർ സംഘടിപ്പിച്ച ഒരു യാത്രയയപ്പ് ഉണ്ടായിരുന്നു. ആ പരിപാടിയിൽ ഞങ്ങൾ ഞങ്ങളുടെ അനുഭവങ്ങൾ പങ്കുവെച്ചു. വളരെ അധികം സങ്കടവും സന്തോഷവും തോന്നിയ നിമിഷം ആയിരുന്നു അത്. ശേഷം 4.45 ഓടെ വീട്ടിലേക്ക് പോയി.