𝗪𝗘𝗘𝗞𝗟𝗬 𝗥𝗘𝗣𝗢𝗥𝗧 -8🫰

𝗧𝗛𝗘 𝗟𝗔𝗦𝗧 𝗪𝗘𝗘𝗞 🫰 അങ്ങനെ അധ്യാപന പരിശീലനം അവസാനിച്ചിരിക്കുന്നു. നീണ്ട 8 ആഴ്ചകൾ. ഒരുപാട് അനുഭവങ്ങളും ഒരുപാട് കാഴ്ചകളും സമ്മാനിച്ച ഒരു സമയം. ഒരു അധ്യാപിക എന്ന നിലയിൽ ഞാൻ എങ്ങനെ ആയിരിക്കണം എന്ന് മനസിലാക്കി തന്ന കുറച്ചു ദിവസങ്ങൾ. എനിക്ക് എന്റേതായി കിട്ടിയ എന്റെ കുട്ടികൾ. എല്ലാം അതിന്റെ സമാപ്തിയിൽ എത്തിയിരിക്കുന്നു. അവസാന ആഴ്ചയായ ഈ ആഴ്ചയിൽ തിങ്കളാഴ്ച തുടങ്ങിയത് തന്നെ മനോഹരമായ ഒരു അസ്സബ്ലിയിൽ ആയിരുന്നു.തിങ്കളാഴ്ച എനിക്ക് ഒന്ന്, മൂന്ന്, അഞ്ച്, ഏഴ് പീരീഡ്കളിലും ചൊവ്വാഴ്ച രണ്ട് നാല്, അഞ്ച്, ഏഴ് പീരീഡ്കളിലും വെള്ളിയാഴ്ച രണ്ട്, നാല്, അഞ്ച് എന്നീ പീരീഡ്കളിലും 8 ഡിയിൽ ക്ലാസ്സ്‌ ഉണ്ടായിരുന്നു. ബുധനാഴ്ച എസ്. എഫ്. ഐ യുടെ പഠിപ്പ് മുടക്ക് ആയിരുന്നത് കൊണ്ട് ക്ലാസ്സ്‌ ഉണ്ടായിരുന്നില്ല. വ്യാഴാഴ്ച ഞാൻ അവധിയും ആയിരുന്നു. വെള്ളിയാഴ്ച ഒന്നാമത്തെ പീരിയഡ് അച്ചീവ്മെന്റ് ടെസ്റ്റ്‌ നടത്തി.31 കുട്ടികൾ പരീക്ഷ എഴുതി. വെള്ളിയാഴ്ച ആറാമത്തെ പീരിയഡ് സ്കൂൾ ബേസ്ഡ് ആക്ടിവിറ്റിയുടെ ഭാഗമായി 9 സിയിലെ കുട്ടികൾക്ക് ഒരു ക്ലാസ്സ്‌ എടുത്തു. അന്ന് തന്നെ വൈകിട്ട് ഞങ്ങൾക്ക് ആയി ലഭിച്ച ക്ലാസ്സിൽ കയറി കുട്ടികളോട് യാത്ര പറയുകയും അവര്ക് മിഠായി നൽകുകയും അവരുടെ കയ്യിൽ നിന്നും അഭിപ്രായങ്ങൾ എഴുതി വാങ്ങുകയും ചെയ്തു. വൈകിട്ട് ഞങ്ങൾക്ക് വേണ്ടി അധ്യാപകർ യാത്രയയപ്പ് നൽകി. ഒരുപാട് സന്തോഷം തോന്നി. അങ്ങനെ ടീച്ചിങ് പ്രാക്ടിസിന്റെ ഒന്നാം ഘട്ടം അവസാനിച്ചു.🫰🥺